Mnu. A J NYAMBI: Sihlalo Wemkhandlu Wavelonkhe Wemaprovinsi lohloniphekile, Somlomo weSishayamtsetfo Savelonkhe, Mhl Mongameli Welive, Mhl Sekela Mongameli, malunga lahloniphekile, tihambeli tetfu letihloniphekile. Kuyintfokoto kimi kuniketwa lelitfuba. Mhl Mongameli, kunesisho sesintfu lesitsi: "Kucala kube mnyama kakhulu ngembi kwekutsi kuvele kukhanya." Silicembu laKhongolose sikusho kugcwale umlomo kutsi inkhulumo yakho yebunjalo belive ishaya khona. Ingumhlahlandlela losiyisa ngco ekukhanyeni. Ngaphandle kwekungabata, noma bangatsini siyachuba Mongameli.