Sihlalo Wendlu, Tindvuna, Emasekela eTindvuna, Lisekela laMengameli, angisho kutsi Lomtsetfosivivinyo lesisebenta ngawo lobitwa ngekutsi yi-SA Post Office SOC LTD Amendment Bill, Ngumtsetfosivivinyo lebewubuke kulomtsetfo lebewukhona wanga-1958, kutsi sikhone kuchibela Umtsetfo Wetemaposi lesawuphasisa nga-2011. Besibuke kutsi Ngalomtsetfosivivinyo silikhuphula njani lizinga letekuphatsa emaposi; loku lesikubita ngekutsi kuphatfwa kwemaposi. Njengaloku sati kutsi ngenca yekuntjintja kwesimo sekutsi Libhange Letemaposi LaseNingizimu Afrika kufanele liphatfwe temaposi, loku kubangele kutsi indlela lekufanele tiphatfwe ngayo temaposi kumbe indlela labaphetse temaposi lekufanele bahambisane ngayo nemtsetfo walelive wetemabhange.
Kwesibili, lebesikubukile kumayelana naloku lebakubita ngesilungu ngekutsi yi-clean break principle, lapho khona bantfu labebahlangene bese bayehlukana kantsi lomunye wabo abengaphansi kwalempesheni yetemaposi kute akhone kutsi atfole lokungekwakhe ngembi kwekutsi lona bekangaphansi kwalempesheni yemaposi ayekele kuba lilunga lalemphesheni yemaposi, kumbe bese uyashona. Loku bekukwekucinisekisa kutsi lomtsetfo we-clean break principleuyemiswa njengaloko wabese vele umiswa njengemtsetfo wetemaposi lowantjintjwa ngemnyaka wanga-2007.
Kwekugcina lebesibukile kumbe loko bekufanele sikwente silikomiti, kuntjintja lomtsetfo wetemaposi wa-1958 kodvwa-ke silikomiti sibone kutsi angeke sikhone kuntjintja lomtsetfo wa-1958 ngoba sitse uma sikhulimisana nalabo lobatsintsako bakhombisa kutsi litiko alikhonanga kutsi likhulume nabo ngalokwanele. Ngaloko-ke silikomiti sabe sesitsi cha, angeke sakhona kuchubeka naLomtsetfosivivinyo. Lesitakwenta kutsi sitawubeka eceleni; kutawutsi ngekuhamba kwesikhatsi litiko naselikhulume nalabatsintsekako bese bayawubuyisa Lomtsetfosivivinyo la Kulendlu kutsi sichubeke nawo.
Kwekugcina lesikwentile kute sikhone kutsi sihambisane Nenkantolo Yemtsetfosisekelo walelive kutsi kute sifake le-clean break principle sengete sichibelo lesitsite lapha kulomtsetfo kumbe i-schedule of law 10(e) khona sitewukhona kwenta lesichibelo lesihambisana Nenkantolo Lenkhulu, Inkantolo Yemtsetfosisekelo.
Angisho-ke Sihlalo, kutsi ngiyabonga. Sibonga kakhulu kutsi Libhangengodla LaseNingizimu Afrika, Sikimu Semhlalaphansi We-Telpost kanye Nelihhovisi Lesikhwama Semhlala Phansi Weliposi, Lihhovisi Letimali Tesive, Sikhwama Semhlala Phansi kanye neLiposi LaseNingizimu Afrika kutsi bakhone kuta matfupha ekomitini batewukhuluma noma basibekele kutsi luvo lwabo lunjani. Ngibonge neNdvuna lengasekho kulesikhundla make Pule, Nendvuna leseyikhona, babe Carrim kanye Nelisekela Lendvuna, Mafaku, ngekutsi basincedze basihole ngalomtsetfo. Ngibonge uMcondzisi Jikelele nelitsimba lakhe Lelitiko Letekuchumana, Baluleki Betemtsetfo belitiko labasebenta ngetemtsetfo Ephalamende, nabo bonkhe labasisekelako ekomitini, ikakhulu umsiti welikomiti, babe Vos.
Kwekugcina, ngibonga emalunga ekomiti lasebente njengetimbongolo kutsi nome kumatima kodvwa basebente busuku bonkhe kute bente lomtsetfo kutsi ube yimphumelelo. Ngiyawetfula-ke Lomtsetfosivivinyo embikwaLendlu Yesishayamtsetfo. Ngitibongele nami, Sihlalo, wena Wekunene. (Translation of Siswati paragraphs follows.)
[Mr S E KHOLWANE: Chairperson, Ministers, Deputy Ministers, Deputy President, let me state that this Bill that we are working on, the SA Post Office SOC Ltd Amendment Bill, is in consideration of the existing law of 1958, for us to be able to amend the Post Office Law which we passed in 2011. By this Bill we had aimed at how we could strengthen the level of administration at post offices, as we are quite aware of changes in the Post Office Bank of South Africa, and that it must be administered by the post office. This had an influence on the administration of the post office, or the manner in which post office administrators should conform to the banking laws of the country.
The second thing that we considered is what they call the clean-break principle whereby, when people who are partners eventually separate, the one partner being a member of the Post Office Pension Fund, the other partner receives his or her benefits before the member cancels his or her membership of the fund or passes on. This was to ensure the application of the clean-break principle as it was already in existence according to the post office legislation which was repealed in 2007.
The last thing that we dealt with, or what we were supposed to do as a committee, was to repeal the post office law of 1958 but we realised that we could not do that because when we were engaging with the stakeholders, they indicated that the department had not sufficiently discussed the matter with them. As the committee we therefore decided not to continue with this Bill. We then put it aside; after the department has discussed with relevant stakeholders, the Bill will be then brought before this House for reconsideration.
The last thing we did was to align ourselves with the Constitutional Court of the country, so as to be able to include the clean-break principle and add certain amendments to this law, or schedule of laws amended, in 10(e) for us to make an amendment that is in line with the Constitutional Court. Let me state, Chairperson, that I am grateful. We are very grateful to the Reserve Bank of South Africa, the Telpost Pension Scheme, the office of the Post Office Retirement Fund, National Treasury, the Pension Fund and the Post Office of South Africa for coming to the committee themselves and presenting their opinion. I would also like to thank the ex-Minister, Ms Pule, and the current Minister, Mr Carrim and his Deputy, for spearheading us in this law. I would also like to thank the Director General and his delegates from the Department of Communications, the Parliamentary State Law Advisors, and everyone who supports us in the committee, especially committee assistant Mr Vos.
Lastly, I would like to give thanks to the committee members who worked tirelessly; even though it was difficult, but they worked throughout the night to ensure that this law becomes a success.
I therefore present this Bill before this Legislative House. I thank you, hon Chairperson.]
There was no debate.
Bill read a second time.