Manana Mutshamaxitulu, hina va ANC hi vona Mpfapfarhuto wo Sungula lowu vitaniwaka Pulani ya Rixaka wu ri wona wu nga ta endla leswaku hi humelela ku ya emahlweni.
Afrika Dzonga ri le ku tsutsumeni hi rivilo lerikulu, rivilo ro fana na ra xitimela xa gezi. Ri kongomile ku antswisa vutomi bya vanhu va Afrika Dzonga. ANC yi vula leswaku yi fanele yi engetela rivilo leri Afrika Dzonga ri tsutsumaka hi rona ku lunghisa leswi swi faneleke ku lunghisiwa. A ku nga ha vi rivilo ra xitimela, ri ya va rivilo ra xihahampfhuka. Hi ndlela leyi, Pulani ya Rixaka yi engetela mafurha ya rivilo ra ku tsutsuma ka ANC hi ku lunghisa swilo leswi.
Yi lunghisa ku pfumaleka ka mitirho, swa rihanyu, swa dyondzo, nhluvukiso wa swa le makaya, ku lwisana na vugevenga na makwanga. Freedom Charter yi vurile leswaku, "Vanhu va ta fuma; ku ta va na rihanyu leri fikeleleka vanhu hinkwavo, hambi u ri xisiwana kumbe xifumi." Dr Aaron Motsoaledi u vurile leswaku hi ya eku akeni Ndzindzakhombo wa Rihanyu wa Rixaka lowu nga ta tiyisisa leswaku na munhu loyi a pfumalaka na tiki a kota ku nghena exibedhlele a tshunguriwa tanihi mhunhu wa nkoka. [Mavoko.]
Hikwalaho ndzi vulaka leswaku ku ta va na rihanyu ra vanhu hinkwavo. Swibedhlele, titliliniki, na tin'anga ta xintima va ta khomisana na Holobye wa Rihanyu ku tiyisisa leswaku hambi byi ri vuvabyi bya HIV/Aids ha byi hlula.
Loko ANC yi rhangele emahlweni a hi hluli hi nchumu. Yi endlile mihlolo hi ku rahela xihlawuhlawu etlhelo. Na yona HIV/Aids hi yi kombetela hi rintiho hi ku, "Siku rin'wana hi ta ku hlula."
Eka dyondzo, loko ANC yi vulavula hi dyondzo a yi swi vuli ntsena, yi vula hi ku tiva leswaku matiko hinkwawo ya misava lawa ya humelelaka hi swa ikhonomi na nhluvukiso wa vanhu ya endla sweswo hikwalaho ka ku veka dyondzo emahlweni. Tinhlayo, Thekinoloji na Sayense, Xitsonga na Xinghezi leswi Dr Vewoerd a nga hi tsona swona, hi swin'wana swa tidyondzo leti ti faneleke ku dyondziwa swinene hi vuenti.
Vana va kona naswona va dyondza. Vana va hina va fanele va etlela dyondzo, va lorha dyondzo no dya dyondzo. Vantshwa va fanele ku lemuka leswaku hi 1976 va hlurile ndzingo wa byalwa va wisa na mavhengele ya byalwa. Namuntlha ndza hlamala leswaku swi endla hi yini leswaku byalwa lebyo bava byo fana na ti 'gin' na burandi, hi ku va byi cheriwile swichukelana, vana va hina va nghena eka byona va pela. Leswi ndzi swi vula hi ku kombisa leswaku dyondzo i xilo lexikulu xo pfuna tiko.
Etindhawini ta le makaya hi tlhelo ra swa nhluvukiso wa le makaya na swa misava xikan'we na swa vurimi, Freedom Charter yi ri, "Tiko na misava swi ta nyikiwa na ku phemeriwa vanhu lava va yi tirhika." ANC yi ta hatlisisa ku averiwa ka misava. Vanhu va ta pfuniwa hi ku rimeriwa, ku nyikiwa titeretere, na ku nyikiwa mbewu leswaku va byala swibyariwa leswi faneleke.
Ha swi tiva leswaku vanhu va hina va vekiwile eka tindhawu leti kayivelaka mpfula. Mi nga ehleketi leswaku ANC a yi swi voni sweswo. Ha swi vona leswaku laha hi nga lahleriwa kona hina vanhu va ntima hi 1913, hi laha mpfula yi nga neki. Eka swona hi ri eka lava nga khoma tiko na misava va nga vi na makolo na makwanga. Tiko i ra hinkwavo lava tshamaka eka rona. Misava yaleyo a hi avelaneni yona, hi avelana tanihiloko hi ku vana va munhu va xekelana nhloko ya njiya.
Loko mi nga endli sweswo swi ta endla leswaku vanhu van'wana va ntima va ta twa ku vava no helela hi timbilu. Holobye wa Nhluvukiso wa le Makaya na Mpfuxeto wa Misava u ri, "Titeretere, mapuluhu na swikomu hi ta swi nyika vanhu loko va rima va hlanganile, ngopfungopfu loko va vumba mihlangano leswaku va ta kota ku vuyeriwa hi ku tirhisana swin'we".
Sweswi hi vulavula hi mitirho ... [Nkarhi wu herile.] (Translation of Xitsonga speech follows.)
[Mr X MABASA: Madam Chairperson, we, as the ANC, see the Green Paper which is referred to as the national strategy as the one that will ensure progress.
South Africa is moving at a very high speed like the speed of an electric train. It is heading for the betterment of the lives of the people of South Africa. The ANC says that it is supposed to accelerate the speed at which South Africa moves to fix what is supposed to be fixed. It will no longer be the speed of a train, but it is going to be the speed of an aeroplane. In this way, the National Planning Commission will accelerate the speed of the ANC in regard to fixing things.
It addresses issues ranging from a lack of jobs to issues of health, education and rural development as well as fighting crime and selfishness. The Freedom Charter says, "The people shall govern; there shall be accessible health for all, whether poor or rich". Dr Aaron Motsoaledi said that we are going to set up a National Health Insurance that will ensure that every person who does not even have a half cent can enter a hospital and be treated as a person with dignity. [Applause.]
That is the reason I am saying there will be better health for all. Hospitals, clinics, and traditional doctors will work together with the Minister of Health to ensure that we defeat even HIV/Aids diseases.
When the ANC is leading, nothing shall fail us. It has done wonders by pushing apartheid aside. We are also pointing a finger at HIV/Aids and saying, "One day we will defeat you."
With regard to education, when the ANC talks about education, it is not just talking; instead it is saying that on the basis that every country in the whole world which is making progress economically and in the development of people does so because of making education a priority. Mathematics, Technology and Science, Xitsonga and English, of which Verwoerd deprived us, are some of the subjects that have to be studied in great depth.
There are children and they are learning. Our children should sleep education, dream education and eat education. The youth should be made aware that in 1976 they defeated the temptation of alcohol and destroyed bottle stores. Today I am surprised as to what makes alcohol beverages such as gin and brandy much sought after by our children, and it is because they have added a little sugar. I am saying this to indicate that education is key to helping the nation.
When it comes to the development of the rural areas, land and agriculture, the Freedom Charter says, "The land shall be given to and shared among those who work it." The ANC will speed up the process of land restitution. The people will need assistance with the cultivation of the land, and should be provided with tractors and seeds so that they plants the right crops.
We know that our people have been placed in areas which have a shortage of rain. You must not think that the ANC does not see that. We know that where we were thrown as black people in 1913, is where it does not rain. Concerning this we say to those who have land that they must not be greedy and selfish. The land is for those who live on it. We must share the land; we must share the little we have as brothers.
If you do not do that, it will make some of the black people feel hurt and they will become impatient. The Minister of Rural Development and Land Reform says, "Tractors, ploughs and hoes will be given to those who plough communally, particularly those who form organisations so that they benefit by working together".
Now we are talking about jobs ... [Time expired.]]