Agb Voorsitter, ouers is vennote en mede-eienaars van hulle kinders se onderwys en die staat het nie 'n reg om daarmee in te meng nie. Hierdie wet is net 'n verdere uitbreiding van 'n proses wat jare terug begin het en wat steeds voortduur met die voortdurende afskaling van ouers se inspraak in onderwys. Kinders is aan hulle ouers en gemeenskappe toevertrou en nie aan die staat nie en dit is baie jammer dat die staat dit nog nie besef het nie.
Die VF Plus is baie bekommerd dat hierdie wysigingswet ook nie geldig gaan wees nie, om 'n baie eenvoudige rede en dit is dat die bestaande wetgewing vereis dat wysigings eers gedoen kan word na oorlegpleging met die onderwys- en opleidingsraad. Daardie raad is nog nie deur die Minister ingestel nie en om daardie eenvoudige rede kan die Minister nie wysigings deurvoer voordat sy nie oorleg gepleeg het met die raad wat sy eers moes instel nie.
Dit is dus baie jammer dat hierdie wysiging eers deurgevoer word, sonder 'n behoorlike proses van oorlegpleging en sonder dat daar voldoen is aan die vereistes wat in die wetgewing voorgestaan word. Om daardie rede sal die VF Plus die wet nie steun nie. Baie dankie. (Translation of Afrikaans speech follows.)
[Mr W D SPIES: Hon Chairperson, parents are partners and co-owners of their children's education and the state does not have the right to interfere with this. This Bill is just a further extension of a process that started years ago and that is still continuing with the ongoing downscaling of the say of parents in education. Children are entrusted to their parents and communities and not to the state and it is a great pity that the state has not realised this yet.
The FF Plus is very concerned that this amending Bill will also not be valid, for the very simple reason that the current legislation requires that amendments can only be made after consultation with the Education and Training Council. This council has not yet been established by the Minister and for that simple reason the Minister cannot pilot through any amendments until she has consulted the council that she must first establish.
It is, therefore, a great pity that this amendment is being piloted through first, without a proper process of consultation and without the requirements advocated in the legislation being complied with. For that reason the FF Plus will not support this Bill. Thank you.]