Somlomo, sithetha esikubonileyo singqine esikuvileyo. Oongqondongqondo, abahlaziyi, abahleli, abaqononondisi besimo sokhenketho nabeenkcukacha-manani eMzantsi Afrika bathi kuphicotho lwabo ngezokhenketho luzigwagwisa ngengeniso ethe catha nge-15,1% kwisiqingatha salo nyaka, xa kuthelekiswa ngokulandelelana kweminyaka ukunyuka kwengeniso yonyaka ngamnye.
Ithi ke le nto, ingeniso kwisiqingatha sokuqala kulo nyaka ibe zizigidi ezintathu nesiqingatha, ezingaxoxi nje tu. Le ngeniso ngumngeni kuMgaqo- nkqubo nophuhliso olungumkhombandlela we-ANC kwiziphakamiso ezenziwe nguMongameli kwesi sigqeba sale Ndlu ekuqaleni kwalo nyaka. Baz'indlebe!
Kuthelekiso lwenyanga ezintathu zokugqibela kulo nyaka uphelileyo wama- 2011, ingeniso ibe lishumi elinesine eliphelekwa sisibhozo ekhulwini 14,8%. Abakhenkethi, iingcungcu ezimilomo mide, amaxhalanga noocwethe ngokufuma kweepokotho zabo, baxhase izindlu zokhenketho namanqugwalana okuqamelis' intloko ngokokwahlukana kwawo. Kwingeniso yelizwe ngokuqgibeleleyo ukutsho ke, ukhenketho ngaphambili belusoloko lumi kwisithathu ekhulwini, ngoku siqine kwisithoba ekhulwini [Laphela ixesha.]. [Enkosi.] [Kwaqhwatywa.]
USEKELA SOMLOMO: Yibambe kuloo ndawo, mhlekazi, liphelile ixesha lakho neso siXhosa sakho esimnandi. (Translation of isiXhosa paragraphs follows.)
[Mr F BHENGU (ANC): Speaker, we are talking about what we have seen and agree with what we have heard. Intellectuals, reviewers, editors, researchers in the tourism sector and Statistics SA argue that according to their findings, the tourism sector generated additional revenue of 15,1% in this half of the year, compared to the increase in the previous years' consecutive annual income.
This means the income generated in the first half of this year is R3,5 million, which is clear to everybody. This income is a challenge to the Constitution and the development which is the ANC's way forward on the proposals made by the President to the Cabinet of this august House at the beginning of this year. Listen carefully!
In the comparison made regarding the last three months of the previous year, 2011, the generated income was 14,8%. Tourists who are filthy rich, and who differ in the degrees of their wealth, have supported the guesthouses, chalets and back-packers' inns in their different forms. In the total revenue of the country, the gross domestic product, GDP, in other words, tourism has previously always been at 3% and now it is stable at 9%. [Time expired.] Thank you. [Applause.]