Xandla xa Xipikara xo hlonipheka, Swirho swa Palamende leswo hlonipheka, ndzi khensa Mutshamaxitulu wa mina loyi a nga endla leswaku ndzi rhandza Komiti leyi ya swa Mati, muchaviseki Magdeline Sotyu. Ndza n'wi khensa swinene hikuva a ndzi nga tivi leswaku mati i xilo lexi nga endlaka leswaku hi hanya. Loko va ku Komiti ya Mati a ndzi nga tivi leswaku va vulavula hi yini.
Matsalwa ya tsariwile eka Bibele, eka Tihosi 2 Ndzimana ya 5 vhese ya 1 na loko u enhla hi yona ku ya ehansi yi ri: (Translation of Xitsonga paragraphs follows.)
[Ms J MANGANYE: Hon Deputy Speaker, hon Members of Parliament, I thank the chairperson, the hon Magdeline Sotyu, who made it possible for me to like the Portfolio Committee on Water and Environmental Affairs. I thank her very much because I did not know that water is something that is vital in our lives. When they talked about the Portfolio Committee on Water and Environmental Affairs, I did not know what they were talking about.
It is written in the Bible in 2 Kings, Chapter 5, verse 1, and even when you read further, it says:]
So Naaman went down to the dirty Jordan River. He stripped down to his underwear and went in. He dipped himself once and nothing happened. He dipped himself a second and third time. When he dipped himself for the seventh time, he came out and was healed.
Mati i vutomi naswona ya hanyisa. Loko u vabya ya horisa. Loko u karhele ya ku timula. Loko u ri na wona u na ntsako. Hikwalaho hi nga vona Naman loko a horisiwa. Mati ya horisa. U nga teka mirhi ya wena u yi sweka hi mati. Loko u nga ri na mati, ku hava lexi u nga xi endlaka leswaku u hola. Hikokwalaho hi nge mati ya tsakisa. Naaman u tsakile hi ku vona leswaku u horile.
Mfumo wa xihlawuhlawu wu endle leswaku matikoxikaya ya pfumala switirhisiwankulu swo tala swo fana na madamu ya mati, tipompi na leswi basisaka mati.
Xandla xa Xipikara, ndzi lava ku ku tivisa leswaku loko mina ndzi kula hi nkarhi wa xihlawuhlawu a ndzi vangisana mati enambyeni na tidonki, timbuti na tihomu. Namuntlha swa ndzi hlamarisa loko hi ta ta yima laha. Mina a ndzi telanga ku kora tipoyinti loko ndzi yime laha. Ndzi tele leswaku hi ta vonisana, hi khomisana na ku vonisana leswaku loko hi ri Swirho swa Palamende hi hlanganile laha hi nga endla yini lexi nga ta endla leswaku vanhu va ka hina va mati lava hi nga va thola va kota ku nyiketa vanhu va hina lava nga yimela nhluvukiso le hansi. Ndza ha ri lontshwa laha Palamende. Ndzi tshemba leswaku ku khomisana hi leswi hi nga tela swona laha.
Mfumo wa xidemokirasi lowu nga rhangela emahlweni hi ANC wu ringeta hi matimba hinkwawo ku hundzuluxa na ku lulamisa leswaku vanhu va kuma mati yo tenga, naswona va ya kuma ekusuhi. Ku na tindhawu tin'wana ku fana na Eastern Cape, Limpopo na Kwazulu-Natal laha mati yo tenga ya ha kayivelaka. Loko hi languta tindhawu leti na tin'wana ta North West laha vanhu va Magalies Water Board va nyikaka mati kona, ka ha ri na laha ku kayivelaka kona leswaku ku engeteriwa. Tiphayiphi ta kona na switirhisiwankulu se swi hlakarile naswona i swa khale. Swi lava ku lunghisiwa. Ti kona tindhawu tin'wana laha vanhu va hetaka n'hweti va nga kumi mati tanihi laha ndzi humaka kona eLerume. Ha heta n'hweti hi nga voni mati.
Lembe leri komiti ya swa mati a yi endzele eLimpopo eka Masipala wa Thulamela. Hi kumile damu ra Nandoni ri tele ri tlhela ri khapa hi mati. Ku suka eNandoni ku na muti wa ka Malamulele lowu nga 15km. Hi kumile kona ku nga ri na mati. A ha ha vuli hi Giyani hikuva yona yi na 52km ku suka laha dan'wini. Loko va ri vona a ha ha vuli nchumu. Leswi swi bihile swinene. Hi leswi loko hi fika laha Palamende hi faneleke hi vulavula hi swona leswaku hi nga swi lunghisa njhani.
Xana mfumo wa tsandzeka ku nyika vanhu mati? Xana i vanhu lava hi nga va thola etihofisini lava nga koteki ku nyika vanhu mati? Loko kuri leswaku i masipala leyi tsandzekaka ku nyika vanhu mati i yini lexi loko hi hlanganile laha Palamende hi xi endlaka leswaku vanhu lava va kota ku kuma mati? Loko kuri i masipala hikwalaho ka yini yi nyikiwa leswaku yi va wona "water authority" yi ri hava vuswikoti byo nyika vanhu mati, kambe yi ri na vutihlamuleri bya leswaku hi yona yi nyikaka vanhu mati?
Swilo leswi hi vulavulaka hi swona laha hi fanele hi swi lunghisa kahle. Endzhaku ka loko komiti leyi ya Palamende yi humile yi lavisisa timhaka ta mati, yi kume leswaku tindhawu leti yi nga famba eka tona a ti lunghanga. Yi tshamile ehansi yi vutisisa leswaku i yini lexi endlaka leswaku vanhu va nga kumi mati. Hi ri va komiti ya mati hi kumile leswaku vanhu va hina lava hi tirhelaka, vatirhelamfumo, va hava ntokoto. Hi vula swikili swa mitirho leyi va nga rhamberiwa yona. Hi lava leswaku swilo leswi swi lunghisiwa. Vanhu lava hi nga va thola a va na wona nkhinkhi wo endla leswaku swilo leswi swi endleka hi xihatla.
Hi ku landza swa misava, hi na Afrika Dzonga laha rin'wana ra matiko ya rona ya kayivelaka mati. Ku na mfanelo ya leswaku hi teka magoza yo endla leswaku mati lawa hi nga na wona, wona lamatsongo, hi ya tengisa hi tlhelo hi ma hlayisa.
Loko ndzi yime laha namuntlha ndzi ri eka swirho swo hlonipheka leswi nga laha Palamende, a hi khomisaneni hinkwerhu hi nyika vanhu va hina mati yo tenga.
Mfumo wa ANC wu lava leswaku vanhu va tiko hinkwaro, ku katsa na lava nga matikoxikaya, va kuma mati yo tenga. Loko u ri na mati, u na vutomi. Swilo leswi swi nga endla leswaku vanhu hinkwavo va Afrika Dzonga va tshunxeka. Loko va ri hava mati, va nge koti ku tshunxeka.
Ku na swibumabumelo leswi hi lavaka leswaku swi endliwa hi Yindlu leyi. (Translation of Xitsonga paragraphs follows.)
[Water is life and it heals. When you are ill, it makes you well. When you are tired, it cools you down. When you have it, you have happiness. This is why we saw Naaman being healed. Water heals. You can take your medicinal herbs and cook them in water. If you do not have water, there is nothing that you can do to get healed. This is why we say water is delightful. Naaman was happy to realise that he was healed.
The apartheid government ensured that the rural areas lack infrastructure such as dams, taps and water purification plants.
Deputy Speaker, I want to mention that when I was growing up during the times of apartheid, I competed with donkeys, goats and cattle for water from the river. Today I am surprised when we have to come here. I did not come here to score points. I am here so that we can share ideas and work together with the view of, as Members of Parliament gathered here, seeing what it is we can do to ensure that the people whom we employed to provide water to the people are able to do so for our people who are anticipating development at grass-roots level. I am still very new in Parliament. I believe that working together is what we are here for.
The ANC-led democratic government is trying its best to transform and to make sure that people get clean water from within their neighbourhood. There are places such as the Eastern Cape, Limpopo and Kwazulu-Natal where clean water is still scarce. When looking at these places and others in the North West where people get water from the Magalies Water Board, there are still shortages which need to be taken care of. Taps and the infrastructure are dilapidated and old. They need to be repaired. In some places, such as Lerume where I come from, people go without water for a month. We go without water for a month.
This year the Portfolio Committee on Water and Environmental Affairs visited the Thulamela Municipality in Limpopo. We found Nandoni Dam full to the brim. From Nandoni, Malamulele Township is 15 km away. We found that there was no water. The same is true with regard to Giyani which is 52 km from that dam. We cannot say much about them. This is very bad. This is what we have to talk about when we are here in Parliament to see how we can remedy it.
Is the government failing to supply water to the people? Is it the people whom we appointed to the offices who are unable to supply the people with water? If it is the municipality which is failing to supply the people with water, what is it that we can do, as we are gathered here in Parliament, to ensure that the people have water? If it is the municipality, why is it assigned to be a water authority without the capacity to provide water to the people, when it is charged with the responsibility of supplying water to the people?
We have to remedy these things we are talking about here. After the portfolio committee had gone out to investigate the issue of water, it found out that the places it visited were not up to scratch. It sat down and enquired why people did not have water. As the Portfolio Committee on Water and Environmental Affairs, we found out that the government employees, who provide services to us, do not have the experience. We are referring to the skills necessary to do the job they are employed to do. We would like that situation to be remedied. The people we have employed do not have the zeal to ensure that these things are done quickly.
From a geographical perspective, South Africa is one of the countries which have a shortage of water. We need to take the necessary steps to ensure that we purify and also conserve the little water we have.
As I am standing here today, I am saying to the hon members present in Parliament that we should work together to give our people clean water.
The ANC government wants all the people of this country, including those in the rural areas, to get clean water. When you have water, you have life. This can make all the people of South Africa achieve freedom. Without water, they will never be free.
There are recommendations that we want this House to consider.]
The department must give the municipality technical support. They must provide skills in the department, especially in analysing data. We need a multidisciplinary team which encompasses engineers and researchers; maintenance of water pump stations; supply of water treatment; clear water storage - that is reservoirs; and to upgrade the aging infrastructure. When we ignore them it will cost our government. We must have engineers who have the love of the community at heart. Regarding the curriculum of life skills in schools, we must inculcate these skills into children so that they must like water. They must learn about water when they are still young. [Time expired.] [Applause.]
Ndzi khensile Mutshamaxitulu. Ku dya i ku engeta. Inkomu. [Va phokotela.] [I thank you, Chairperson. I am grateful for the opportunity and I hope it will be granted again in future. Thank you. [Applause.]]